موج حِنِّيي ونسـيم حُـب شق اْلضباب ومَوج اْلمعَتَّم
مْنحكي عنّو اْلحَكـي صَعب بْيِعْجَز يْخبّر عنّو اْلقـلَم
اْخْتَبرو النـاس وحتّى الرَب لمَّا عاش بْحضن مريَـم
نعمة سما اْلانسان اْكتَسَـب لكـن آدم منها اْنحَـرَم
كَنـز مْخبَّا بْعمـق قَلـب هَزّ اْلكون اْلعالم صَـدَم
قَلـب ضحّى اتْبنَّى اْلتَعـَب إلو اْلتضحيـي راية ألَم
سِهرْ ليالي دموع سَكَــب تروي اْلحَجَر تنعش عَدَم
حياتو صفحات انجيل اْنكتَب هيك بْيبقى قلـب الأم
اْلأم عْـيون ترافــق درب ابنا اْلماشي صـوب اْلحلم
وَيْن ما راح بِضَل بْقــرب قلب نــاطر وْعَمْ يهتَم
اسمو بعمق قلبهـا اْنكَتَـب وجّو بِبـَالا لوحـة اْرتَسَم
بيصرَخ “امّي” بسـاعة تَعَب اسمــا بْيفرُج عنّو اْلـهَم
صمتهـا حكايي يملّي كتُب قصيـدة شعر راية عِلـم
كلماتها كتـاب حرفو دَهَب بْوَقفة صـلا تَـا ينْفَهَـم
شْريكة مَريَم بساعة الصَلب رفِيقة عُمر بقَول الـ نعَم
طريق قداسي ونَبع حــُب هيـك بيبقى قلـب الأم
