محبوب منك يارب وحبك عم بلقى
ملبسني توب الحب فرحان راح ابقى
أنا ما بِحْزَن انتَ الفَرَح .
أنا ما بْضيع انت المَطْرَح .
أنا ما بْخاف فيك مسلَّح .
بـِفْهَمْ ذاتي انت بْـتِشْرَح .
حياتي دور وانت المَسْرَح .
انت السهل فيك بِسْرَح .
انت البحر فيك بِسْبَح .
إيدَك أمان حالي بِشْلَحْ .
بِخْطا كتير وقلبك بِجْرَح
بمَنديل الرَجا دمَّك بِمْسَح
خلِّ الخطيي عنِّي إِشـْلَـح .
إلَك وَحْدَك قَلبي بِفْتَح
انت الصديق معك بِمْزَح
إيدي بإيدك بالدني بِمْرَح .
العالم مخَلْخَل فيك بيصلَح
انت الملح فيك بيملَح .
الراحة حلوي وانت أريَح .
ذاتي حَقل بإيـدَك تـِفْلَح
تا ينبت ورد مَجدَك يشرَح.
خَلّيِني إناء بحُبَّـك يِنْضَح
بامتحان المسا فيك انجَح .
بحِبَّك وفيك بِفْرَح .
